Дар доираи сафари кории Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба водии Рашт, бо иштироки раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода, вазири маориф ва илм Раҳим Саидзода ва дигар шахсони расмӣ бинои нави Муассисаи таҳсилоти ибтидоии №108 деҳаи Қалайчаки Ҷамоати деҳоти Ҳиҷбораки ноҳияи Рашт ба истифода дода шуд.
Муассисаи мазкур, ки қаблан дорои 2 синфхонаи хурд ва 1 ҳуҷраи корӣ буд, дар натиҷаи заминларзаи рӯзи 13 апрели соли 2025 зарари ҷиддӣ дида, истифодаи минбаъдаи он номумкин гардид.
Бо мақсади беҳтарсозии шароити таълим ва рушди инфрасохтори маориф, бо ташаббуси Вазорати маориф ва илм ва дастгирии Донишгоҳи миллии Тоҷикистон сохтмони бинои нави муассиса ба нақша гирифта шуд. Иншооти нав аз 4 синфхона барои 48 ҷойи нишаст дар як баст ва ҳуҷраи муаллимон иборат буда, бо тарҳи муосир сохта шудааст.
Корҳои сохтмонӣ аз ҷониби Донишгоҳи миллии Тоҷикистон ба таври пурра ба анҷом расонида шуда, Вазорати маориф ва илм бинои навро бо таҷҳизоти зарурии таълимӣ таъмин намудааст.
Ифтитоҳи муассисаи мазкур ба ифтихори Ҷашни 34-солагии Истиқлоли давлатии Ҷумҳурии Тоҷикистон ва оғози соли таҳсили нав сурат гирифта, ифодагари сиёсати маорифпарваронаи Пешвои миллат муҳтарам Эмомалӣ Раҳмон мебошад.
Маркази матуботи
Вазорати маориф ва илми
Ҷумҳурии Тоҷикистон
