Бо мақсади таҳкими заминаи моддию техникии муассисаҳои таълимӣ дар асоси дастуру супоришҳои Ҳукумати Ҷумҳурии Тоҷикистон дар заминаи мабалғҳои ҷудошуда ба соҳаи маориф Вазорати маориф ва илми Ҷумҳурии Тоҷикистон ба мақомоти иҷроияи ҳокимияти давлатии вилояти Суғд сертификат ба маблағи се миллиону сесад ҳазор сомонӣ (3 300 000) тақдим намуд.
Маблағи мазкур ба самти ҷиҳозонии муассисаҳои таълимӣ бо кабинетҳои лингофонӣ, таҷҳизоти томактабӣ, кабинетҳои фаннӣ ва озмоишгоҳҳои муосири таълимӣ равона карда мешавад.
Иқдоми мазкур дар доираи як қатор барномаҳои давлатӣ амалӣ мегардад, ки ҳадаф аз онҳо баланд бардоштани сифати таҳсил ва мутобиқ сохтани он ба талаботи ҷаҳонӣ мебошад. Аз ҷумла, барномаи такмили омӯзиши забонҳои русӣ ва англисӣ то соли 2030, рушди таҳсилоти томактабӣ барои солҳои 2020-2025, ҳамчунин таъмини муассисаҳои таҳсилоти умумӣ бо кабинетҳои фаннӣ ва озмоишгоҳҳои таълимӣ барои солҳои 2020-2027 дар ин самт нақши муҳим доранд.
