НАҚШИ КАБИНЕТИ ФАННӢ ДАР РАВАНДИ ТАЪЛИМИ МАТЕМАТИКА

Кабинети фаннӣ дар раванди таълиму тарбия яке аз воситаҳои асосӣ ба шумор меравад. Кабинети корӣ ячейкаи хурди таълимии муассиса мебошад, ки бо асбобҳои аёнӣ, воситаҳои техникии таълим ва мебелу таҷҳизоти барқӣ таъмин шуда, дар он корҳои таълиму тарбия, корҳои инфиродӣ ва беруназсинфӣ бо хонандагон дар асоси талаботи барномаи давлатӣ ба роҳ монда мешавад. Дар шароити системаи кабинетӣ таълими дилхоҳ фан босамар ва ба мақсад мувофиқ гузаронида мешавад, яъне, дар системаи кабинетӣ омӯзгор ба он мушарраф мешавад, ки дарсро бо истифода аз усулҳои фаъоли таълим гузаронад. Ҳамзамон, кабинети корӣ ҳуҷраи озмоишӣ ба ҳисоб рафта, дар он баҳри осонии кори омӯзгор шароит фароҳам оварда мешавад. Ин ҷо номгӯи ҳуҷҷат ва воситаҳои аёниро ҳамчун намуна баҳри осонии кори ҳамкасбон манзур медорам.

Дар ҳуҷраи корӣ зарур аст, ки шароити зерин муҳайё бошад:

1) Воситаҳои таълим: китобҳои дарсӣ, илмӣ ва методӣ аз фанни математика, барномаҳои таълимӣ ва адабиёти иловагӣ доир ба ин фан;

2) Воситаҳои техникии ҳозиразамон: компютер, тахтаи электронӣ;

3) Асбобҳои аёнӣ: плакату овезаҳо бо формулаҳои математикӣ.

Кори кабинети математика дар 5 самт ба роҳ монда мешавад:

1) Таҷҳизонидани кабинети математика бо нақшаю ҷадвалҳои математикӣ;

2) Ҷиҳозонидани кабинети корӣ бо асбобҳои техникӣ ва таъмини равшании синфхона;

3) Ташкили китобхонаи кабинети корӣ;

4) Ҷамъоварии асбобҳои аёнӣ ва дидактикии таълим аз фанни математика;

5) Ташкил намудани шиносномаи синф.

Ҳамин тавр, дар асоси ташкил ва дуруст ба роҳ мондани ин самтҳо дар ҳар кабинети муассисаҳои таълимӣ барои таълиму тарбия шароит фароҳам мешавад. Кори кабинети математика ва умуман, кабинетҳои фаннӣ дар асоси оиннома, низомномаи муассиса ва фармоиши директори муассиса ба роҳ монда мешаванд. Мутассадии кабинети корӣ дар асоси фармоиши директори муассиса таъйин гардида, ба раванди кори он пурра ҷавоб мегӯяд.

Дар таҷҳизонидани ҳуҷраи кории математика бояд талаботи зерини меъёрӣ ва ҳуқуқӣ ба инобат гирифта шавад:

1) Муҳофизати меҳнат (тавсияҳо доир ба қоидаҳои техникаи бехатарӣ);

2) Талаботи ҳолати санитарӣ—гигиенӣ;

3) Барномаҳо доир ба фанни таълимӣ ва дарсҳои иловагӣ, нақшаҳои тақвимӣ;

4) Фаъолияти муштарак.

Ин банд аз чанд зербанд иборат аст:

а) Мавод доир ба тайёрӣ ба аттестатсияҳои хатм ва мавод барои имтиҳонҳои марказонидашудаи тестӣ;

б) Бурдани корҳои инфиродӣ бо хонандагони сустхон;

в) Маводи озмун ва олимпиадаҳои фаннӣ;

г) Корҳои илмӣ ва эҷодии хонандагон;

д) Нақшаи гузаронидани мониторинги сифати таҳсилот.

 Кабинети математика ба фазоҳои зерин ҷудо карда мешавад:

1) фазои кории омӯзгор

2) фазои корӣ барои таълимгирандагон

3) фазо барои воситаҳои таълим

4) фазо барои васоити техникӣ

5) фазо барои фаъолияти инфиродии таълимгирандагон

Ҷадвали 1.

Ҳуҷҷатҳое, ки барои кори кабинети математика заруранд:

— Ҷадвали 1. Шиносномаи синф